FORORD
|
Hålandsosen og litt av Tednes |
I denne oppgava har eg valt å ta for meg ei bygd i Ryfylke, Erfjord, og behovet
for transport på sjøen i denne bygda. Den viktigaste grunnen min til å velja
Erfjord, er at det er heimbygda mi. Dessutan var det tidlegare ei av dei mest
isolerte bygdene i Ryfylke. Eg har valt å ta for meg perioden etter krigen fram
til omkring 1965, det året Ryfylkevegen som i dag går gjennom bygda, vart opna.
Fram til då hadde bygda berre sjøvegen som samband med omverda. I denne
perioden heng framleis mykje av "gamle dagar" att i transportsystemet. Eg vil
prøva å få fram eit bilete av korleis transportbehova for bygda vart løyste.
Så vil eg takka konservator Egil Grude ved Sjøfartsmuseet i Stavanger. Han var
til stor hjelp når det galdt å koma i gang med oppgåva, stilte villig opp med
kasettspelar og var med til Erfjord for å laga intervju med folk i bygda.
Oppgåva byggjer i hovudsak pa desse intervjua.
Eg vil og takka dei som villig stilte opp og let seg intervjua.